|
Mynstrað munngæti er verkefni sem að snýr að mynsturgerð í íslenskri matarhefð. Vissir þú að íslenskt laufabrauð er einstakt í heiminum?
Laufabrauð þróaðist á íslenskum heimilum þegar takmarkað mjöl var til og þjóðin nýtti hugvit og handverk til að skapa list úr litlu. Þannig urður örþunnar laufabrauðskökur brauð sjálfrar jólahátíðarinnar og útskurður alþýðulistamanna bætti upp hve matarlítil kakan var í raun.
Laufabrauðsdagurinn er tilhlökkunarefni. Hátíðleg samverustund lituð sköpun og tilhlökkun, allir taka þátt og önn hversdagsin víkur fyrir alþýðulist. Laufabrauð er einstakur hluti af arfleifð okkar íslendinga. Örþunn útskorin laufabrauðskaka þróuð í áranna rás af hagsýni, hagleik og menningu er gimsteinn í matarmenningu íslensku þjóðarinnar.
Njóttu mynstraðs munngætis með viðhöfn og virðingu.
Höfum til sölu kort með laufabrauðsmyndum ásamt skýringartexta á fjórum tungumálum. Kortin eru þríbrotin 18x18 cm. kremuð að lit og þeim fylgja umslög.
Smellið á myndirnar til að sjá stærri
 |
|
 |
| Laufabrauðsdagurinn
|
|
|
 |
|
|
|
Hvað ungur nemur, gamall temur. |
Afraksturinn |
|
|
Laufabrauð Baðstofunnar
5 dl mjólk
1 egg
2-3 msk sykur
½ tsk salt
25-50 g smjör
1 tsk lyftiduft (lítil)
¼ tsk hjartarsalt
950 g hveiti
Mjólk, egg, sykur, salt og smjör sett í pott og hitað að suðu (má ekki
sjóða) hrært stöðugt í á meðan með þeytara. Sett í hærivélarskál og
hveitið sett saman við ásamt lyftidufti og hjartarsalti. Hnoðað í
hrærivélinni. Búin til lengja úr deginu og vafið inn í plast og látið
kólna. Kökurnar steiktar í olíu eða tólg og pressaðar með sléttu loki
eða bretti meðan þær eru sjóðheitar. Þessa uppskrift er vandasamt að
fletja út, en gott að brjóta saman þegar skera á í kökuna með hníf, það
er að segja kakan límist ekki saman.
|
Laufabrauð Húsfreyjunnar
750 gr. hveiti
250 gr. hrísmjöl
2 msk. sykur
2 tsk. Salt
2 tsk lyftiduft
50 gr. smjör / smjörlíki
7 dl. heit mjólk
Mjólkin er hituð með smjörinu að suðu (má ekki sjóða), þurrefnunum
blandað saman og því næst mjólkinni, hnoðað. Kökurnar steiktar í olíu
eða tólg og pressaðar með sléttu loki eða bretti meðan þær eru
sjóðheitar. Þessa uppskrift er auðvelt að fletja út en kökurnar vilja
límast saman þegar þær eru brotnar til að skera í þær með hníf.
|
|
